BIK i reagon ambasadorit Qëndrim Gashi pasi publikoi karikaturat e Profetit Muhamed
Bashkësia Islame i ka reaguar ambasadorit të Kosovës në Francë, Qëndrim Gashi, për publikimin e karikaturave të Profetit Muhamed.
Në reagimin e Bashkësisë Islame të Kosovës thuhet se ky është akt i papranueshëm dhe i dënueshëm, shkruan Mitropol.
Për BIK-un, një veprim i tillë vetëm e rrit urrejtjen e mosbesimin ndërnjerëzor.
“Për ne si Bashkësi Islame ky akt është i papranueshëm i dënueshëm dhe një veprim i tillë vetëm sa rrit mos durimin, urrejtjen e mosbesimin ndër njerëzor, ngase cenimi, ofendimi dhe atakimi i tjetrit, e sidomos kur kjo ka të bëj me çështjen e besimit, nuk paraqet asnjë vlerë”, thuhet në reagimin e BIK.
BIK ka kërkuar nga Ministria e Jashtme të distancohet nga veprimi i Gashit.
“Kërkojmë nga ministria e jashtme që të distancohet nga veprimi i Ambasadorit Gashi, ngase konsiderojmë që me veprimin e tij ka atakuar vlerat dhe parimet mbi të cilat populli ynë me shekuj ka ngritur e kultivuar harmoninë e bashkëjetesën ndër fetare”, thuhet në reagim.
Ambasadori i Kosovës në Francë, Qëndrim Gashi, ka shpërndarë në Twitter një shkrim të një gazetareje nga Franca, e cila shfaq karikaturën e Profetit Muhamed, të botuar në revistën Charlie Hebdo.
Në karikaturat e publikuara shkruhet:
Muhamedi, një yll që lindi, e ku janë karikaturuar organet gjenitale të kinse profetit me një yll të ngjitur në prapanicë dhe një karikaturë tjetër ku kinse profeti mbanë në dorë një letër ku i kërkon falje revistës satirike Charlie Hebdo për ngjarjet që kanë ndodhur.
Décapitation de Samuel Paty: signalements, appels menaçants, plaintes, vidéos… Onze jours d’engrenage https://t.co/VehS28izzk via @Le_Figaro
— Lena Lutaud (@LenaLutaud) October 19, 2020
Ndryshe, pardje një mësues i ka shpërfaqur këto krikatura në klasë, akt pas të cilit është vrarë. Ndërsa dje Franca ka planifikuar dëbimin e mbi 250 personave që i akuzon për separatizëm islamik./Mitropol/