Punëtorët e Kompania Kosovare për Distribuim me Energji Elektrike në Kosovë (KEDS) kanë mbajtur grevë njëorëshe para objektit të kësaj kompanie me kërkesën e vetme ngritjen e pagave në vlerë 100 euro.
Me pankartat “Çmimet në qiell e pagat përtokë”, “Paga të dinjitetshme” punëtorët e KEDS-it kërkuan paga më të larta.
Kjo grevë do të zhvillohet tri ditë, ku secilën ditë do t’i shtohet një orë.
Kryetari i Sindikatës së Pavarur Elektro-Kosova, Ahmet Hyseni tha se sot greva po mbahen në të gjitha distriktet në Kosovë.
Sipas tij, këto greva do të vazhdojnë deri të ditën e premte dhe kërkesë kryesore e tyre është rritja e pagës së punëtorëve për 100 euro.
Hyseni theksoi se mjaftueshëm kanë mirëkuptuar edhe për shkak të krizës energjetike, por nuk do të tërhiqen nga kërkesat e tyre.
Menaxhmenti i KEDS/KESCO punëtorëve të kësaj ndërmarrje u ka ofruar rritje page prej 30 eurosh, por kjo shumë është kundërshtuar nga punëtorët. /Telegrafi/